Друштво за ревизија ЦЕНСУМ ДООЕЛ Скопје

Извештај за транспарентност

Извештајна година 2009

1. Правна структура и сопственост
Друштвото за ревизија ЦЕНСУМ ДООЕЛ Скопје е регистрирано според позитивната законска регулатива во Република Македонија и работи врз основа на Решение од Министерството за финансии на РМ, број 07-23047/1 од 21.10.2004 година.
ЦЕНСУМ е регистрирано како друштво со ограничена одговорност од едно лице (ДООЕЛ). Основач и сопственик на Друштвото е овластениот ревизор Стојан Јорданов. Во него се вработени два овластени ревизори: Стојан Јорданов и Миле Ниневски, така што Друштвото е во целосна согласност со барањата за издавање дозвола за работа дефинирани во член 17 од Законот за ревизија.
Друштвото има склучено осигурување со осигурителна компанија. Осигурувањето на дејноста ги покрива можните штети нанесени на клиентите.
2. Професионална мрежа и правните и структурните ангажмани во мрежата
Друштвото за ревизија Ценсум е член на Институтот на овластени ревизори на Република Македонија. Овластените ревизори, ангажирани во Друштвото, се членови на Институтот.
Во текот на 2009 година, Друштвото оствари повеќе контакти со неколку меѓународни ревизорски мрежи, по чии барања изврши определени активности во Република Македонија. Ценсум нема склучено договори за членство или договори за исклучиво право на застапување на интересите со некоја од меѓународните ревизорски мрежи.
3. Управувачка структура
Ценсум бележи постојан раст во работењето. Ценсум обезбедува највисоко ниво на услуги, и претставува друштво кое е кадровски, технички и организационо оспособено за да може квалитетно, стручно и во рок да ја изврши секоја договорена работа.
Во Ценсум се вработени 6 лица, а управувачкиот тим е следниот:
Стојан Јорданов, дипломиран економист, овластен ревизор - дипломирал на Економскиот факултет во Скопје при Универзитетот Св. Кирил и Методиј во 1983 година. Носител е на сертификатот за овластен ревизор евидентиран во Министерството за финансии на РМ под број 44. Со сертификатот се стекнал на 3.2.2003 година, врз основа на член 30 став 2 од Законот за ревизија, односно по едукацијата и успешно положените испити во организација на Министерството за финансии на РМ, а во соработка со УСАИД Проект за јакнење на финансискиот сектор во Македонија и Економскиот факултет - Скопје. По обуката и успешно поминатиот испит во организација на LRQA, се стекнал со сертификатот за ISO 9000:2000 Водечки проверувач. Сертификатот издаден од  LRQA е со број 06/0210. Професионално искуство од 25 години стекнал во областа на финансии, сметководство, контролинг, информатичка технологија, осигурување и др., поголем период на високи раководни функции. По основањето на Друштвото за ревизија Ценсум ДООЕЛ Скопје работи како управител на Друштвото.
Миле Ниневски, дипломиран економист, овластен ревизор - дипломирал на Економскиот факултет во Скопје при Универзитетот Св. Кирил и Методиј во 1980 година. Носител е на сертификатот за овластен ревизор евидентиран во Министерството за финансии на РМ под број 40. Со сертификатот се стекнал на 3.2.2003 година, врз основа на член 30 став 2 од Законот за ревизија. Професионално искуство од 30 години стекнал во повеќе компании во Македонија, главно во областа на сметководство и финансии, поголем период на раководни функции како финансов директор, управител и основач. Во Ценсум е ангажиран како раководител на ревизија.
Небојша Младеновиќ, дипломиран економист - дипломирал на Економскиот факултет во Скопје при Универзитетот Св. Кирил и Методиј во 1983 година. Професионално искуство од 25 години стекнал на почеток како професор во економско училиште, понатаму во повеќе компании во Македонија, поголем дел на раководни функции, финансов директор, управител и основач. Во Ценсум е ангажиран како раководител на сметководствени услуги.
Ценсум има склучено договор за соработка со:
Илија Митрев, дипломиран економист, овластен ревизор - дипломирал на Економскиот факултет во Прилеп при Универзитетот во Битола 1990 година. Носител е на сертификатот за овластен ревизор евидентиран во Министерството за финансии на РМ под број 143. Со сертификатот се стекнал на 26.12.2005 година, врз основа на член 30 став 2 од Законот за ревизија. Покрај наведеното, именуваниот е електротехнички инжињер од 1978 година, овластен проценител со општи овластувања и овластување за електротехничка област, судски вештак и стечаен управник. Професионалното искуство од 32 години го стекнал главно како професор, а дополнително во областа на сметководство, проценки и судски вештачења. Во Ценсум е ангажиран во повеќе проекти на ревизија.
Фима Биљарска, дипломиран економист, овластен ревизор - дипломирала на Економскиот факултет во Скопје при Универзитетот „Св. Кирил и Методиј“ во 1977 година. Носител е на сертификатот за овластен ревизор евидентиран во Министерството за финансии на РМ под број 101. Со сертификатот се стекнала на 12.02.2004 година, врз основа на член 30 став 2 од Законот за ревизија. Покрај наведеното, именуваната е судски проценител од областа на економско-финансиско работење од 1998 година, како и овластен проценител со општи овластувања за проценка на вредноста на претпријатијата со општествен капитал. Во Ценсум е ангажирана во повеќе проекти на ревизија.
4. Систем на контрола на квалитетот
Основа за нашата работа претставуваат Меѓународните ревизорски стандарди и Кодексот на етика на професионални сметководители. Во ревизијата на трговски друштва проверуваме усогласеност на извештаите со Меѓународните стандарди за финансиско известување и Меѓународните сметководствени стандарди утврдени од Одборот за Меѓународни сметководствени стандарди (IASB). Во ревизијата на ентитети кои имаат со закон определена друга сметководствена рамка, како на пример Законот за сметководство за буџетите и буџетските корисници и Правилник за примена на Меѓународните сметководствени стандарди за јавниот сектор на готовинска основа или Законот за сметководство на непрофитни организации, проверуваме и усогласеност на извештаите со така дефинираната рамка.
Компанијата ги следи принципите на независност, точност и сеопфатност. Почитувањето на овие принципи резултира во целосни и објективни извештаи кои обезбедуваат насоки за нашите клиенти во нивното финансиско и сметководствено работење.
Работата на ревизија на финансиските извештаи е контролирана од управителот Стојан Јорданов, овластен ревизор. Друштвото има развиено интерен софтвер за ревизорски услуги со кој се планираат ревизии и кој овозможува контрола на квалитетот на работата на ревизорските тимови. Подготвената работна документација се контролира од страна на управителот пред издавањето на извештаите, а истата се архивира во просториите на Друштвото.
5. Континуирана едукација
Овластените ревизори, ангажирани во Друштвото, во текот на 2009 година ја посетуваа обуката организарана од Институтот. Сите 4 ангажирани овластени ревизори ги остварија потребните 40 часа на континуирана професионална едукација.
Ценсум посветува посебно внимание во пратењето на светските и европските текови во областа на ревизија и сметководство. Соработката со меѓународните ревизорски мрежи, како и други извори (интернет, електронска и печатена литература) овозможуваат достапност на информациите за нови барања во областа. Во ангажманите во земјата и странство имаме чести средби со ревизори од други земји со кои разменуваме искуства во интерес на зголемување на квалитетот во договорените ангажмани. Информациите понатаму се разменуваат помеѓу овластените ревизори во Друштвото и со други ревизорски друштва.
6. Листа на комитенти кај кои Ценсум изврши ревизорски услуги во 2009 година:

• ДРЖАВЕН ЗАВОД ЗА РЕВИЗИЈА НА Р.М.
• ИТС ИСКРАТЕЛ Комуникациски системи доо Скопје
• ПАКОМ ДООЕЛ Скопје
• КИНГ ИЦТ ДООЕЛ Скопје
• Претприемачки сервис за млади (ПСМ) – Скопје
• ГРАНД ЕКСПОРТ ДООЕЛ увоз-извоз Скопје
• СТРУМИЦА ТАБАК, Струмица
• СОВЕТ ЗА РАДИОДИФУЗИЈА НА Р. МАКЕДОНИЈА
• Здружение на граѓани „АКЦИЈА ЗДРУЖЕНСКА“ – Скопје
• Здружение на граѓани МЛАДИНСКИ ОБРАЗОВЕН ФОРУМ Скопје
• Министерство за земјоделство, шумарство и водоснабдување на Р.М., Програма за наводнување на јужната долина на Вардар
• Дрвно-индустриски комбинат Страшо Пинџур АД Кавадарци
• ЕЛЕКТРОЕЛЕМЕНТ Скопје
• РИМЕС Скопје
• ЕЛЕКТРОМЕТАЛ АД – Скопје
• РИГО Импекс ДОО Скопје
• ГЕМАК-ТРАДЕ Скопје
• Граѓанска асоцијација МОСТ
• Центар за образовна поддршка „Дендо Вас“ - Скопје
• Здружение на граѓани Роми „Врама Си“ - Куманово
• Хуманитарна организација „ПХС“ - Прилеп
• Ромско хуманитарно здружение на жени „KHAM“ – Куманово
• КИА МОТОРС Македонија
• ТД НЕЛТ СТ ДООЕЛ Илинден
• ТОТО ЛИЗИНГ ДОО Скопје
• Штедилница МОЖНОСТИ Скопје
• МАКЕДОНСКА БАНКА ЗА ПОДДРШКА НА РАЗВОЈОТ АД СКОПЈЕ
• ИНОВА Л.Т.Д. ЗЛАТКО ДООЕЛ увоз-извоз – Скопје
• БИСТРИЦА-СБ, с.Мајдан, Кавадарци

• „Изградба на основно училиште „Јан Амос Коменски“ проект имплементиран од општина Карпош, донатор Swiss Agency (SDC) – 25.02-31.05.2008
• „Право-Legal database“, Граѓанска Асоцијација МОСТ, донатор Шведски Хелсиншки комитет за човекови права – 2006 и 2008 г.
• „Визниот режим и РМ - извештај насочен кон јавните политики“ 21.02 – 31.12.2008, имплементиран од Здружение на граѓани РЕАКТОР-истражување во акција, донатор ФИООМ
• „Програма Културно Контактна Точка“ спроведувана од Министерството за култура на Р. Македонија
• „Програма за меѓугранична соработка во југо-источна Европа“, финансирана од SIDA (Шведска агенција за меѓународна соработка и развој), имплементирана од EASTWEST INSTITUTE преку 3-те проекти: Преспа-Охрид (Албанија, Грција, Македонија), Јужен Јадран (Босна и Хецеговина, Хрватска, Црна Гора) и ГПКТ-Гњилане, Прешево, Куманово, Трговиште (Косово, Македонија, Србија) – декември 2007-декември 2008
• Проект на УСАИД за рециклирање на пластика, спроведуван од МДЦ-ТИ.НЕТ
• Проект „ОБЕДИНЕТИ ВО АКЦИЈА“ – МЛАДИНСКИ ОБРАЗОВЕН ФОРУМ, финансиран од Европска Комисија

• УСАИД Асоцијација за рурален развој:

• Општина ДЕБАР
• Општина КАРПОШ
• Општина КИСЕЛА ВОДА
• Општина КОЧАНИ

7. Финансиски информации
Остварени приходи во 2009 година



Извештајот е подготвен во согласност со член 26 од Законот за ревизија.
ЦЕНСУМ ДООЕЛ Скопје
Управител
Стојан Јорданов